Профилактика және психоәлеуметтік көмек бөлімшесі

Исмагулова Сауле Салимхановна

Бөлімше меңгерушісі

Бірінші санатты жалпы практика дәрігері

Жалпы практика дәрігері сертификаты 2010 жылдан бастап

Жалпы еңбек өтілі 11 жыл

№16 Қалалық емханада 2012ж. бастап жұмыс істейді

Сарыбатырова Татьяна Евгеньевна

Аға мейірбике

2000 жылы «Эмили» Мейірбике ісі институтына түсті,

2005 жылы бітірді, мейірбике-менеджер (жоғары білім).

2005 жылы ОАУ «Психология» факультетіне оқуға түсіп, 2008 ж. бітірді

2003 жылдан бастап ШЖҚ «№16 ҚЕ» КМК жұмыс істейді.

Балалар эндокринолог, невропатолог дәрігерлерінің мейірбикесі, СӨС кабинетінің мейірбикесі, психолог лауазымдарын атқарды.

2018 жылдан бастап ПжПӘКБ аға мейірбикесі. Жоғары біліктілік санаты бар.

Бөлімше үш бағытта жұмыс жүргізеді:

• 1. Скринингтік бағдарламаларды іске асыру («Халықтың нысаналы топтарына профилактикалық медициналық тексеру жүргізу ережесін бекіту туралы» Қазақстан Республикасы Денсаулық сақтау министрінің міндетін атқарушының 2009 жылғы 10 қарашадағы № 685 бұйрығына өзгерістер мен толықтырулар енгізу туралы Қазақстан Республикасы Денсаулық сақтау министрінің 2017 жылғы 25 желтоқсандағы №685 бұйрығы)
• 2 Халыққа әлеуметтік-психологиялық қызмет көрсету (ҚР ДСМ 2009 жылғы 30 қыркүйектегі №630 және ҚР ДСМ 20.12.2011ж. №907 бұйрығына сәйкес)
• 3 Денсаулық мектептерін ұйымдастыру арқылы халықтың салауатты өмір салты дағдыларын қалыптастыру бойынша жұмысты ұйымдастыру (Қазақстан Республикасы Президентінің 2016 жылғы 15 қаңтардағы №176 Жарлығымен бекітілген Қазақстан Республикасында денсаулық сақтауды дамытудың «Денсаулық» мемлекеттік бағдарламасы)
• «Медициналық-санитариялық алғашқы көмек көрсететін ұйымдарда мінез-құлықтық қауіп факторлары бойынша денсаулық мектептерін ұйымдастыру және олардың қызметі жөнінде ережені бекіту туралы” ҚР ДСМ 2012 жылғы 5 наурыздағы № 146 бұйрығы

І. Скринингтік зерттеулер

ДЕНСАУЛЫҚ САҚТАУ МИНИСТРЛІГІ ҰСЫНАДЫ:
ӨЗ ДЕНСАУЛЫҒЫҢДЫ ОЙЛАҢЫЗ – МЕДИЦИНАЛЫҚ ТЕКСЕРУДЕН ӨТІҢІЗ!

Қатерлі ісік өлімнің жоғары көрсеткішінің себебі болып табылады. Бүгінгі таңда обыр өлім үкімі емес, емделетін аурулар қатарында. Обыр барынша ерте анықталған жағдайда толық емделуге мүмкіндік бар. Обырдың пайда болуына ықпал ететін патологиялық өзгерістерді болдырмау, сондай-ақ ерте даму сатыларында ісіктерді анықтау үшін скринингтен өту қажет!

СКРИНИНГ-бұл белгілі бір жастағы дені сау адамдарды ерте кезеңде қауіп-қатер факторларын және ауруларды анықтау үшін профилактикалық медициналық тексеру. Осылайша, емдеудің тиімділігін арттыру және асқынулардың дамуының алдын алу. Қазақстанда скринингтің бірнеше түрі жүргізіледі: жатыр мойны обырын, сүт безі обырын, тоқ және тік ішек обырын 2013 жылдан бастап қуықасты безі обырын, өңеш, асқазан, бауыр обырын ерте анықтау. Барлық скринингтер сіз тіркелген медициналық ұйымда ТЕГІН жүргізіледі.

ҚҰРМЕТТІ БЕКІТІЛГЕН ХАЛЫҚ!

Сіздерді профилактикалық медициналық тексеруден (скрининг) өтуге шақырамыз.

2018 жылға скрининг көлемі

1. 40 жастан 70 жасқа дейінгі ерлер мен әйелдер осы аурулар бойынша диспансерлік есепте тұрмайтын артериялық гипертонияны, жүректің ишемиялық ауруын және қант диабетін ерте анықтау үшін тексеруден өтуі қажет. Антропометриялық өлшеулер (бой, салмақ, бел шеңбері, сондай-ақ Кетле индексін есептеу), артериялық қысымды өлшеу, холестерин мен қан глюкозасының деңгейін анықтау және жүрек-қан тамырлары ауруларының жоғары қауіп-қатерін SCORE диаграммасы бойынша анықтау жүргізіледі.
Көрсеткіштер бойынша электрокардиограмма, кардиолог, эндокринолог тексеру жүргізіледі.
2. Диспансерлік есепте тұрмайтын 40-тан 70-ке дейінгі жастағы ерлер мен әйелдерге глаукоманы ерте анықтау үшін көзішілік қысымды контактісіз тонометрмен өлшеу жүргізіледі. Офтальмологтың кеңесі – көрсеткіштер бойынша.
Бұл зерттеулер жүрек-қан тамырлары ауруларының, қант диабетінің, глаукоманың ерте кезеңдерін және олардың қауіп факторларын анықтауға мүмкіндік береді, бұл кезде әлі де ауруды жеңуге және қорқынышты асқынулардың алдын алуға қиын емес: инсульт, инфаркт, соқырлық.
Обырдың пайда болуына ықпал ететін патологиялық өзгерістерді болдырмау, сондай-ақ ерте даму сатыларында ісіктерді анықтау үшін:
3) 30-дан 70 жасқа дейінгі әйелдерге жатыр мойны обырын ерте анықтауға скрининг өту жатыр мойнынан алынған жағынды цитологиялық зерттеу акушер – гинекологтың тексеруі, кольпоскопия-көрсеткіштер бойынша;
4) 40 – тан 70 жасқа дейінгі әйелдерге сүт безі обырын ерте анықтауға скрининг өту сүт бездерін рентгенологиялық зерттеу (маммография) маммологтың, онкологтың тексеруі-көрсеткіштер бойынша;
5)50-ден 70 жасқа дейінгі ерлер мен әйелдерге колоректалды обырды ерте анықтау үшін скринингтен жасырын қанға нәжісті тестілеу, хирург, проктолог, гастроэнтерологтың тексеруі, көрсеткіштер бойынша тоқ және тік ішекті эндоскопиялық зерттеу (колоноскопия) өтуі тиіс.
Скринингтен өту үшін Сізге алдын алу және әлеуметтік-психологиялық көмек көрсету бөліміне хабарласу қажет – № 131, 130,129, 128, 127 кабинет сағат 08.00-18.00, сенбі күні 08.00-14.00.